حمل الإعلامي حسان بالواعر يحمل رئيس الجمهورية ووزارة الداخلية مسؤولية أي سوء قد يحصل له أو لوالدته.
وافاد الإعلامي حسان بالواعر في تدوينة له : ''فرقة مختصة في زيارة لبيتي.. كان غبت عليكم الفترة الجاية تعرفوني وين''
وفي التالي تدوينة الإعلامي حسان بالواعر:
"بش تعرفوا انو تغيير مبارك جديد
منذ قليل الفرقة المختصة في زيارة لبيتي بعد ما سألوا علي عند العطار .. قالولي جينا نطمانو عليك .
يعطيهم ألف صحة .
الحمد الله لقاوني مقيل .. انا و صليحة و زوز كلاب . كان غبت عليكم الفترة الجاية . تعرفوني وين .
و ما تنساوش صليحة عندها كنترول في سبتمبر.".
كما نشر بالواعر تحيينا لتدوينته الاولى، في التالي فحواها: " تحيينا لحادثة زيارة الفرقة المختصة لبيتنا.. راني واجهتعم و حكيت معاهم وقلتلهم شنوة تحبوا عندي و اجابتهم كانت جينا نطمانو عليك ..
قمت رسميا باعلام الاتحاد العام التونسي للشغل في شخص ناطقهوالرسمي و عضو المكتب التنفيذي Sami Tahri
و قمت رسميا بابلاغ نقابة الصحفيين في شخص Abdel Raouf Bali
السيد بسام الطريفي Bassem Trifi عضو رابطة حقوق الانسان هاتفه مغلق للحين
اللي صار اليوم intimidation مباشرة .و ربما تكون خطوة اولى قبل اي شيء اخر ممكن ان يحصل .
و احمل رئيس الجمهورية و المكلف بتسيير وزارة الداخلية عن أي سوء قد يحصل لي أو لأمي المريضة .
مانيش خايف . و مانيش نتراجع على حتى رأي كتبته او قدمته . و راهو ما يقص الريوس كان الخالق
و سامدكم باي تفاصيل جديدة لاحقا . "