في رده على التصريح المسجل الذي أدلت به ليلي الطرابلسي وتم بثه اليوم على أمواج إذاعة موزاييك اف ام في برنامج. "جاوب حمزة" نشر المحامي منير بن صالحة تدوينة عبر صفحته الرسمية على الفايس بوك أن هناك قضية مرفوعة ضد ليلى الطرابلسي في عدم خلاص أتعاب المحاماة لان هناك جزءا من الإجراءات يتعلق بها بوصفها وقتها زوجة الرئيس السابق بن علي .) مضيفا قائلا " يبدو أن المهم الآن هو تبييض صورة ليلى الطرابلسي و لو على حساب الاستاذ منير بن صالحة-المحامي.."
وفيما يلي نص التدوينة:
"من بركات الثورة انو ليلى الطرابلسي تولي مصدر للمعلومة
في حوار ليها بإحدى الاذاعات كان الموضوع تهريبها للاموال من السعودية إلى تونس و سألها الصحفي في برشة مواضيع لكن الخبر الوحيد المتداول هو
" ليلى الطرابلسي تهاجم الاستاذ منير بن صالحة-المحامي"
و هذا يعني ان اسم منير بن صالحة ولى مادة مربحة لبعض الإعلاميين او لبعض الصفحات
ثانيا انا كمحام ما خذيت كان الي يهمني من الحوار و هو الآتي :
- راجلي كلفو موش انا و تقصد الرئيس بن علي و هذا صحيح مثلما يثبته التكليف المنشور ( بالمناسبة المتطوع لا يستحق الى تكليف)
- احترمت إرادة راجلي كيف هو حي بعد ما مات قتلو ما نواصلش معاك و هذا طبعا من حقها عدم المواصلة معانا.
- قال خمسين محامي معايا نقلها اكثر من خمسين خمدو معايا الملفات القضائية في عديد فروع القانون مثل القانون البنكي و الجبائي.
- ما خلصناهوش كيف طلب فلوس ( هي تقول على أتعاب المحاماة فلوس كيف برشة من شرائح المجتمع الي يشبهولها)
- منير بن صالحة opportuniste و هذا من عندها هي بالذات نعتبرو مدح موش سب.
(ملاحظة :
هناك قضية مرفوعة ضد ليلى الطرابلسي في عدم خلاص أتعاب المحاماة لان هناك جزءا من الإجراءات يتعلق بها بوصفها وقتها زوجة الرئيس السابق بن علي .)
الخلاصة :
موش قلتو نحبو المحاسبة و استرجاع الاموال و ... الخ ...
اذن يبدو :
لم يعد يهمكم استرجاع الاموال المنهوبة
لم تعد تهمكم المحاسبة
لم يعد يهمكم تسليم المجرمين الفاريين.
لم يعد يهمكم معرفة ماحصل يوم 14 جانفي و بعد 14 جانفي .
يبدو أن المهم الآن هو تبييض صورة ليلى الطرابلسي و لو على حساب الاستاذ منير بن صالحة-المحامي..
هنيئا لنا بليلى الطرابلسي تكتب يوم عيد الاستقلال تاريخ البلاد ...
الوضع حقا مقرف .
لن اتكلم اكثر .....
رحم الله الرئيس السابق بن علي."
