حاتم بلحاج يكشف لأول مرة عن بعض كواليس سلسلة "شوفلي حل" - الصباح نيوز | Assabah News
Aug.
11
2020

تابعونا على

حاتم بلحاج يكشف لأول مرة عن بعض كواليس سلسلة "شوفلي حل"

الأحد 17 نوفمبر 2019 14:50
نسخة للطباعة

نشر حاتم بلحاج كاتب سيناريو سلسلة "شوفلي حل" التي لاقت نجاحا جماهيريا منقطع النظير، تحدث فيها ولأول مرّة عن بعض الكواليس الخاصة بالعمل الذي يعاد بثه على الوطنية الأولى على غرار شكل مطبخ "جناة العرافة" و نوعية سيارة الدكتور "سليمان لبيض" .وفيما يلي التدوينة الكاملة لبلحاج:

"باهي... برشة أصدقاء من فايسبوك يبعثولي في البوبليكاسيون هاذي و يحبّوني نجاوب... هاني باش نحاول... هههه... الورقة ما يلزمكمش تعرفو آش فيها خاطرها مبنيّة على فازة... ما تعرفوش آش فيها... كوجينة جنّآة ما اتطيّب كان الشّكشوكة... زايد باش نصرفو ديكور على شكشوكة... كرهبة سليمان في مخّي... فولفو قديمة و الّا مرسيديس 250D ancien(الحق نسيت)... بوتيك زينب تبيع biblotsو شمع و كنت ريت بوتيك كيفها في المنازه (inspiréeمنها) فيها حويجات مزيانين أمّا تنشّ في الذبّان و سكّرت بعد أشهرة... كوجينة بيرو سليمان صغيرة ياسر متاع بيرو... خمّمت نحطّ فيها جرّاية يرقد فيها السبّوعي أمّا بعد بما أنّو الستوديو متاعو قريب... زايد باش "نحلّ" ديكور جديد على لقطة... ذياب مستوحى من حكاية واقعيّة... مرّة بحذا البارك... عرضني بو و ولدو بصحيحتو... و البو يصيح عليه كيفاش فاصع مالتّمارين باش يلعب في الشّارع و قالّو جملة من نوع "لاك فالح لا في الكورة لا في القراية" (نتمنّى ذياب الحقّاني نجح في حياتو بالطّريقة الّي تمنّاها هوّ خاطر كي فاق بيّا مبهّم في اللّقطة... تبسّملي كيف الّي حبّ يقلّي ما تاخوش عليه... ماني عامل كان الّي في مخّي)... نادي أحبّاء فرويد مستوحى من حكاية صارتلي... عندي صديق ولّى لاباس عليه و مرّة هزّني معاه لسهريّة باش يقدّملي صحابو الجدد تابعين الطّبقة العليا الجديدة الّي ولّى ينتميلها... و قالي عاملين نادي يناقشو فيه أفكار و مشاريع... المفيد طلعت قعدة بين رجال أعمال و "عمايل"... لا حكاو أفكار لا حكاو بزنس (امّا التبزنيس عاطي مسدّ)... ليلتها لمّيت أفكار متاع عشرة حلقات خاصّة كي انا نحكي sérieuxمع "رئيس النّادي" و سمع نوبتو... عطاني بالظّهر و قام يلوي... و أخيرا... نحبّ نحكيلكم على حرفيّة سفيان الشّعري... يصوّر في حلقة العرس فوق السطّح في رمضان و صلاح الصّيد الّي ما يكمّل اللّقطة الّا ما يعاودها برشة مرّات باش تجي parfaiteيصوّر في سفيان كلّ مرّة ياكل الحلوّ بنهم و من غير ما يبلعو خاطرو صايم... كي كمّلنا قتلو ما كنتش نتصوّر عندك ها العزيمة هاذي ياخي تحلّف فيّا و قالّي "نحلف عليك عملتها بلعاني" حلفتلو لا و الّي بالصّدفة تبرمج تصويرها في رمضان... ما صدّقنيش... ياخي في اللّقطة الّي بعد... زدتو يشرب في القازوز... ياخي زاد تحلّف فيّا أما جات ضامرة و منعت منّو... أخيرا... عمري ما كنت نتصوّر إلّي أفكار و مواقف عشتهم و تخيّلتهم و مجموعة كاملة من مبدعين كلّ حدّ في مجالو ساهمو من غير حسابات و إلّا تخديم مخّ سلبي... باش يعيشو سنين مع أجيال جديدة... و أكثر توصيف قريب لخدمتنا... هوّ العمل كان صادق و عفوي... و الصّدق و العفويّة صعيب باش يتلمّو في نفس الوقت مع برشة عباد... (و إلّي عندو سؤال آخر يقلّي)"

في نفس القسم

2020/8/11 19:53
أكد المدير الجهوي للصحة بقابس الدكتور يحي حمدي تسجيل 28 إصابة جديدة بعد القيام ب146 تحليل مخبري. هذا وتتوزع اغلب الاصابات في معتمديتي الحامة والحامة الغربية.
2020/8/11 19:45
افادت وزارة الصحة أنه بتاريخ 10 أوت 2020، تمّ إجراء 976 تحليلا مخبريا من بينها 29 تحليلا في إطار متابعة المرضى السابقين ليبلغ بذلك العدد الجملي للتحاليل 106332. وقد تم تسجيل 23 تحليلا إيجابيا من بينهم 21 حالة إصابة جديدة: 18 حالة إصابة محلية و03 حالات إصابة وافدة و02 تحاليل...
2020/8/11 18:48
  اعتبر رئيس الكتلة الديمقراطية بمجلس نواب الشعب والقيادي في التيار الديمقراطي هشام العحبوني أنّ وجود اختلاف بين الأحزاب لا يعني اقصاء الاحزاب من الحكومة خاصة وأنّ حكومة التكنوقراط لن يكون لها حزام سياسي وحزبي أو برلماني، وفق قوله. وأضاف العجبوني في تصريح لـ"الصباح نيوز" أنّه لا...
2020/8/11 16:50
سلّم محافظ البنك المركزي التونسي، مروان العباسي، الثلاثاء، التقرير السنوي للبنك لسنة 2019 لرئيس حكومة تصريف الأعمال، إلياس الفخفاخ. وتطرق الطرفان، خلال هذا اللقاء الذي انتظم بقصر الحكومة بالقصبة، إلى الوضع الاقتصادي الحالي وسبل تجاوز الصعوبات التي تمرّ بها المالية العمومية....
2020/8/11 16:47
إثر تعرّض شخص بجهة جندوبة إلى سلب هاتفه الجوّال ومبلغ مالي قدره 20 دينارا تحت طائلة التّهديد، تمكّنت الوحدات التّابعة لمنطقة الأمن الوطني بجندوبة يوم 11 أوت 2020، بعد تعميق التحريات وبعد التّنسيق مع النّيابة العموميّة، من القبض على المورّط في عمليّة السّرقة المذكورة بمنزله وحجز...